La Fundazion Insam, te si inuem nglëisc „Insam Foundation“, mët a jì y sustën pruiec ti ciamps dla sanità, dla cultura y dl'ecunomia, cun n liam sot cun Gherdëina, la rujeneda y la tradizion ladina y la valorisazion dl raion. La Fundazion nasc per mëter a jì y sustenì scumenciadives che generée valor cuncret y che dure per la cumenanza, metan n relazion cumpetënzes, ressurses y vijions desferëntes. Si mpëni va dantaldut dl viers dl dialogh danter mprejes, lies privates y Ënc publics, cun la finamira de cunlaurazions stersces, ntlujives y urientedes de viers dl daunì. Uni pruiet à si ravises tl respet dl’identità dl raion. La Fundazion cëla te na maniera sterscia che l vënie teut ca duta trëi la rujenedes raiuneles tl’ativiteies y scumenciadives, sibe l talian y l tudësch ma sambën nce l ladin, cun la finamira de purté pro che n posse ti jì permez, che l sibe ntlujion y partezipazion y mo miec cumpartezipazion. 

Nraviseda te si storia y tl patrimone de Gherdëina, se muev la Insam Foundation cun na pruspetiva davierta y a una cun i tëmps. La Fundazion Insam mët a jì partnerships nce a livel naziunel y nternaziunel, metan adum la scunanza dl raion, l svilup culturel, l bënsté soziel y l crëscer dl'ecunomia.